བདེ་སྲུང་སྦྱོང་བརྡར་ ཤོ་ཐེངས་ ༥༦ པའི་དོན་ལུ་ ཁྱབ་བསྒྲགས།
བདེ་སྲུང་ཡིག་ཚང་གིས་ བདེ་སྲུང་ཤོ་ཐེངས་༥༦ པའི་ སྦྱོང་བརྡར་ལས་རིམ་གྱི་དོན་ལུ་ ཕོ་སྐྱེས་༢༥༠ དང་ ཨམ་སྲུ་༢༥༠ བརྩིས་ ཡོངས་བསྡོམས་ ༥༠༠ གདམ་འཐུ་འབད་ནིའི་དོན་ལུ་ གསལ་བསྒྲགས་འབདཝ་ཨིན།
སྦྱོང་བརྡར་འདི་ཡང་ སྤྱི་ལོ་༢༠༢༣ སྤྱི་ཟླ་༣ པའི་ ཚེས་༡ ལས་ སྤྱི་ཟླ་༦ པའི་ཚེས་༡༥ ཚུན་ གསར་སྤང་རྫོང་ཁག་ ས་གནས་དཔལ་རི་ཐང་ལུ་ འགོ་འདྲེན་འཐབ་ནི་ཨིན། ཟླ་ངོ་གསུམ་དང་ཕྱེད་ཀྱི་རིང་འབད་མིའི་ བདེ་སྲུང་སྦྱོང་བརྡར་འདི་ཡང་ སྤྱི་ལོ་༢༠༢༤ ལུ་ འགོ་འབྱེད་འབད་ནི་ཨིན་མིའི་ རྒྱལ་སྲུང་སྦྱོང་བརྡར་གྱི་ ལས་རིམ་དག་པ་ཅིག་ མོ་བཏབ་འབད་ནིའི་དོན་ལུ་ འགོ་འདྲེན་འཐབ་ནི་ཨིན།
བདེ་སྲུང་སྦྱོང་བརྡར་གྱི་གནད་ཚད་ནང་ལུ་བཀོད་ཡོད་མིའི་ ལས་རིམ་ཚུ་མ་བརྩི་བར་ ཤོ་ཐེངས་༥༦ པའི་ སྦྱོང་བརྡར་པ་ཚུ་གིས་ རྒྱལ་སྲུང་གི་དོན་ལུ་ བཟོ་བཀོད་འབད་ཡོད་མིའི་ རྨང་གཞིའི་དམག་སྦྱོང་དང་། རྒྱལ་ཡོངས་ཤེས་ཡོན་དང་འཚོ་ཐབས་རིག་རྩལ་གྱི་སྦྱོང་བརྡར་ཚུ་འབད་དགོ།
ཤོ་ཐེངས་ ༥༦ པའི་ བདེ་སྲུང་སྦྱོང་བརྡར་གྱི་དོན་ལུ་ ཐོ་བཀོད་འདི་ སྤྱི་ཚེས་ ༣༡.༠༡.༢༠༢༣ ཆུ་ཚོད་ ༡༡ ལས་ འགོ་བཙུགས་ནི་ཨིན། དགོས་མཁོའི་གྱངས་ཁ་འདི་ཚངམ་ཅིག་ ཐོ་བཀོད་འབད་ནི་འདི་མཚམས་འཇོག་འབད་འོང་།
སྦྱོང་བརྡར་གྱི་དོན་ལུ་ འོག་ལུ་བཀོད་མིའི་ཁྱད་ཚད་ཚུ་ངོས་ལེན་འབད་ནི་ཨིནཿ
- ཤེས་ཚདཿ དགོཔ་མེད།
- སྐྱེས་ལོ་ཉུང་མཐའཿསྐྱེས་ལོ་༡༨ ལས་ སྐྱེས་ལོ་ ༢༡ (སྤྱི་ལོ་༢༠༠༠ ཟླ་༡༢ པའི་ཚེས་༣༡ ལས་ སྤྱི་ལོ་༢༠༠༤ ཟླ་༡༢ པའི་ཚེས་༣༠ བར་ན་སྐྱེས་མི)
- ལཱ་གཡོག་གནས་སྟངསཿ ལཱ་གཡོག་མེད་མི།
- ནང་ལེནཿཕོ་སྐྱེས་ ༢༥༠ དང་ ཨམ་སྲུ་ ༢༥༠ བརྩིས་ཏེ་ ཡོངས་བསྡོམས་ ༥༠༠ ལེན་ནི།
- གསོ་བའི་བདེ་ཁམསཿ གཟུགས་དང་སེམས་གཉིས་ཆ་རའི་ བདེ་ཁམས་ཡོདཔ།
སྤྱིར་བཏང་ཁྱད་ཚད།
- ན་གཞོན་ ལཱ་གཡོག་མེད་མི་ཚུ་གིས་ ཐོ་བཀོད་འབད་ཆོག།
- ལཱ་གཡོག་ཡོད་མི་ཚུ་ སྦྱོང་བརྡར་གྱི་དོན་ལུ་ ལཱ་གཡོག་ལས་དགོངས་ཞུ་འབད་མ་དགོཔ་གི་དྲན་བསྐུལ་འབདཝ་ཨིན། ཐོ་བཀོད་འབད་བའི་སྐབས་དང་ སྦྱོང་བརྡར་འབད་བའི་སྐབས་ལུ་ ལཱ་གཡོག་དང་འབྲེལ་བའི་ ཉོག་བཤད་འཐོན་པ་ཅིན་ སྦྱོང་བརྡར་ནང་བཅའ་མར་གཏོགས་ནི་ལས་ བཀག་ཆ་འབད་འོང་།
- ཐོ་བཀོད་ཀྱི་ཚེས་གྲངས་མ་རན་པའི་ཧེ་མ་ལས་ ཡོངས་འབྲེལ་ http://scs.rbp.gov.bt ཐོག་ལས་ ཉེན་སྲུང་ཉོག་མེད་ཀྱི་དོན་ལུ་ཐོ་བཀོད་འབད་དེ་ ཉེན་སྲུང་ཉོག་མེད་ལག་ཁྱེར་ ཆ་གནས་ཡོདཔ་བཟོ་དགོ།
- ཁྱོད་ར་ ད་ལྟོ་ག་ཏེ་སྡོདཔ་ཨིན་ནའི་ཁ་བྱང་ཚུ་ ག་ཨིནམ་སྦེ་བཙུགས་དགོ། འདི་ ཁྱོད་ཀྱི་ གསོ་བའི་བདེ་ཁམས་བརྟག་དཔྱད་འབད་ནིའི་དོན་ལུ་ བརྟག་ཞིབ་འབད་སའི་ས་ཁོངས་ངོ་སྤྲོད་འབད་ནི་དང་ སྦྱོང་བརྡར་གྱི་དོན་ལུ་ གདམ་འཐུ་གྲུབ་མི་ཚུ་ལུ་ སྐྱེལ་འདྲེན་གྱི་ཞབས་ཏོག་ཚུ་ གྲ་སྒྲིག་རྐྱབ་ནིའི་དོན་ལུ་ཨིན།
- གློག་འཕྲིན་ཁ་བྱང་དང་ འགྲུལ་འཕྲིན་ཨང་གྲངས་ཚུ་ ཁྱོད་རའི་མིང་གུ་ཐོ་བཀོད་འབད་དེ་ འོང་དགོ། གལ་སྲིད་མེད་པ་ཅིན་ ཐོ་བཀོད་ཆ་མེད་འབད་ནི་ཨིནམ་ལས་ ད་ལྟོ་ལས་རང་ཁྱོད་རའི་མིང་ཐོ་གུ་ བཟོ་དགོ།
- ཐོ་བཀོད་འབད་མི་ཚུ་གིས་ རང་སོའི་གནས་ཚུལ་ག་ཨིནམ་སྦེ་བཙུགས་དགོ། གལ་སྲིད་གནས་ཚུལ་འཛོལ་བ་ཡང་ན་ ཕྱི་འགྱུར་སྤྲོད་པ་ཅིན་ ཁྱོད་རའི་ ཐོ་བཀོད་ཆ་མེད་འབད་འོང་།
གསོ་བའི་ཁྱད་ཚད།
- ཐོ་བཀོད་འགྲུབ་མི་ མི་ངོ་རང་སོའི་ ཉེ་འདབས་ལུ་ གསོ་བའི་བརྟག་ཞིབ་ས་ཁོངས་ངོས་འཛིན་འབད་དེ་ཡོད་མི་ཚུ་ནང་ ང་བཅས་ཀྱི་བདེ་སྲུངཔ་ཚུ་དང་གསོ་བའི་ལས་བྱེདཔ་ཚུ་གིས་ འགོ་འདྲེན་འཐབ་ནི་ཨིན་མིའི་ གསོ་བའི་བདེ་ཁམས་བརྟག་དཔྱད་འབད་དགོ། བརྟག་ཞིབ་ཀྱི་ཚེས་གྲངས་དང་། དུས་ཚོད་ ས་ཁོངས་ཚུ་ ཁྱོད་ལུ་བརྡ་བསྐུལ་འབད་འོང་།
- གལ་སྲིད་ གསོ་བའི་བརྟག་དཔྱད་འབད་བའི་སྐབས་ ཁྱོད་ལུ་ གསོ་བའི་བདེ་ཁམས་མེདཔ་སྦེ་ འཐོན་སོང་པ་ཅིན་ སྦྱོང་བརྡར་གྱི་དོན་ལུ་ གདམ་འཐུ་མི་འབད།
སྐྱེས་མའི་གནས་སྟངས།
- གལ་སྲིད་ ཁྱོད་ འོག་ལུ་བཀོད་མིའི་གནས་སྟངས་གང་རུང་ནང་ཚུད་པ་ཅིན་ སྦྱོང་བརྡར་གྱི་དོན་ལུ་ཐོ་བཀོད་འབད་ནི་ལས་ འཛེམ་དགོཔ་གི་ དྲན་གསོ་འབདཝ་ཨིནཿ
- མངལ་ལུ་ཨ་ལུ་ཆགས་ཏེ་ཡོད་མི་དང་།
- ཨ་ལུ་ལུ་ཨོམ་བྱིན་དགོ་མི་ཨ་ལུའི་ཨའི།
ཁ་གསལ་གྱི་དོན་ལུ་ ང་བཅས་ཀྱི་ཡོངས་འབྲེལ་ཁ་བྱང་ཨང་ https://desuung.org.bt དང་ ཡང་ཅིན་ ཡིག་ཚང་གི་དུས་ཚོད་ཁར་ བརྒྱུད་འཕྲིན་ཨང་ ༡༤༡༡ ནང་ འབྲེལ་བ་འཐབ་གནང་།